Manqabat Shaan e Imam e Azam Abu Haneefa RadiyAllahu Ta'ala Anhu


Hum Aaimmah ke muqallid hain tamaam
Hai Imamaun ka hamay bhi ehteraam
Har Imam e waqt ne Deen ke liye
Waqf ki hai jaan apni la kalaam
Hai jahaan mein Hazrath Numaan bhi
Mazhab Hanfi ke sar-kirdah Imaam
Aapne chaha yehi aik aik pal
Sur-khuru ho Ummate Khairul Anaam
Ijtihaad aisa kiya Ai marhaba
Mujtahid ho kar raha duniya me naam
Masle tishnah na chore Aap ne
Hal kiye uljhe huwe thay jo tamaam
Waqt ke aahang ne Azam kaha
Aap ko to Ai fiqiyah wa Ai Imam
Faiz paya Aap se ahnaaf ne
Wo saher ho ya ke ho wo koee shaam
Nazar karna hai yeh mukhtaar e hazeen
Aap ko Ai Bu Haneefa As-Salaam

0 comments:

Facebook Blogger Plugin: Bloggerized by AllBlogTools.com Enhanced by MyBloggerTricks.com

Post a Comment